Paseando coa historia

*Recunchos con vestixios culturais de Compostela

Conduce o itinerario o editor e divulgador cultural Henrique Alvarellos

   A Rúa Nova foi o lugar de asentamento dos primeiros retratistas. A mediados do XIX prodúcese o tránsito dos daguerrotipos ás fotos, como se aprecia na Gran Expo de Londres de 1851.   O vallisoletano Baldomero Almejún foi tamén restaurador da capela das Ánimas.Nesta rúa tiña o seu estudo Andrés Marcelino Cisneros Pereiro. Encargáronlle cubrir a viaxe de españolización que fixo Isabel II no verán do 58. Parece que Charles Clifford non veu polas débedas da Coroa.

   Na Alameda celébrase a Exposición Rexional de 1909, primeiro Ano Santo do XX. Un dos promotores,Pais Lapido,ten un busto no parque. Santiago sufrira no XIX coa perda da capitalidade. No 53 morría xente polas rúas. Non se recupera ata que López Ferreiro redescobre os restos do Apóstolo no 1879. O Pavillón de Recreo, hoxe gardaría, é obra de Antonio Palacios; nos corenta sería edificio da Falanxe. Foi un éxito. Sesenta mil visitantes nunha cidade con menos da metade de poboación. Viñeron o rei e Maura. O fotógrafo foi Manuel Chicharro Bisi. Preséntanse inventos tecnolóxicos como a máquina de caramelos e hai ensaios do cinematógrafo.

   O Hotel Suízo, cunha fachada modernista ecléctica,abriu en 1905.Pechouse nos sesenta afectado pola apertura do Hostal dos Reis Católicos. Tiña carruaxes para levar ós hóspedes. Pasou Hemingway aquí os veráns do 28, 29 e 30, que estaba namorado das Rías Baixas e pescaba no Ulla. Como homenaxe a Compostela chamoulle Santiago ó protagonista de El Viejo y el mar. 

   O Hotel Compostela inaugurouse no 29.  O 7 de maio do 32 houbo unha homenaxe a Lorca. Tocou no piano as Cantigas de Santa María e fixo mimo; estaba exultante. Firmou no libro de sinaturas como outros coma Alfonso XIII, Evita Perón ou Millán Astray loubando a Franco. Nos poemas a Compostela parece que foi axudado por Blanco Amor. O andaluz que afirmou “para min é mellor soñar que vivir” morreu o 19 de agosto do 36, o mesmo día que Ánxel Casal.

   O Derby inaugurouse no 27.Camilo Díaz Baliño decorou o friso. Alejandro Finisterre, diseñador do futbolín aínda que sen patente, fixo vangardistas percheiros. Valle Inclán estudiara en Santiago, que ten “a soidade, tristeza e a forza dunha montaña”.Volveu nos últimos meses aqueixado dun cancro para que o tratase o doutor Manuel Villar Iglesias. Viña á tertulia, como tamén facía no Café Suízo. Orientábase cara a fiestra que daba ó Castromil.Escribiu La Lámpara Maravillosa baixo os efectos da pipa de cáñamo, como Huxley en Las puertas de la percepción.