*Recunchos marabillosos de Compostela
Programa Verán en Verde
Promovido polos departamentos de Acción Cultural e Medio Ambiente
do Concello de Santiago (23-8-2016)
Programa Verán en Verde
Promovido polos departamentos de Acción Cultural e Medio Ambiente
do Concello de Santiago (23-8-2016)
Hai cincuenta anos meu pai ía ás mazás cos
seus irmáns. Imita aos pazos da nobreza galega. Naqueles acostumaba haber xardín para presumir, horta e bosque para obter leña. Este é de comezos do XX, hacia o 1908. O político Ramón Gutiérrez de la Peña
Queiruga era o dono da casa ata os anos corenta.Tiña estudos superiores pero
cando foi deputado marchou a Madrid. Logo tivo caseiros. En 2001 cómpraa o
concello a medias con Labarta. E dez anos despois Conde Roa quixo facer un
asilo de luxo. Xa no 2014,tras unha rehabilitación de nove meses, chegou a
reapertura.
Moitas casas
indianas tiñan palmeiras canarias como xeito de ostentación. Aquí o que hai é
magnolias de follas brillantes. Bastante preto había outro fogar indiano, A Casa Simeón, que hoxe é pensión de
autoridades. Daquela ían á cidade en carruaxe.
En canto a
vexetación hai follas de acanto,
planta mediterránea que se emprega como motivo decorativo nas columnas. Tamén
agapantos africanos. E sabugueiros, recoñecibles por ser árbores con boliñas
negras; os ingleses o empregan para facer compotas ou marmeladas; aquí para
darlle un sabor afrutado ó viño.
Hai madeira morta
no chan.Fíxose adrede.“É o menú do día das vacalouras na súa fase larvaria”. Os
machos destes escarnavois, tamén coñecidos como cervos volantes,teñen cornos
para pelexar polas femias.Na entrada hai vellos camelios,con máis de oitenta
anos, e plátanos alineados. Estes dan boa sombra no verán e no inverno perden a
folla.
A capela, que era privada, imita ó gótico.
Está feita de pedra revestida. O campanario parece un hórreo. Ten un engandido
posterior en ladrillo. Había gárgolas de águias. Na parte traseira da igrexa
hai un baixorrelevo dun helmo. O arquitecto foi Jesús López do Rego Labarta,
xenio do modernismo compostelán que tamén é o artífice da nave de Fenosa e do
arquivo actual de Casas Reais.
A casa ten ese aspecto tan deteriorado
porque ardeu dúas veces. Meteron ladrillo nas xanelas para evitar que se abran
as fendas.Á beira medra unha araucaria,exemplar como a que hai xunto o Museo do
Pobo Galego. Hai gárgolas de cans. Aínda que deberiamos dicir acróteras pois
non botan auga para fóra. As familias empreñaban estes animais para demostrar a
súa forza e dominio. Pode que un dos cans sexa un cerbero. A coroa familiar
miraba cara a cidade.
A lagoa artificial é similar á da Granxa
do Xesto. Se a auga estivera en circulación non se poría choca. Con cágados e
papiros. No xardín hai algunha planta exótica. Coma hortensias da variedade
africana, fucsias, rosas de pitiminí e roseiras trepadoras, que a diferencia
das camelias sí cheiran.Houbo tamén buxo a carón do pazo.
No horto ornamental hai
amorodos,alcachofas, acelgas. Tralo valado vemos caquis, agora verdes, e atrás
un texo que medra en ramo.
No suroeste do
parque, que linda co Carme de Abaixo, están as froiteiras.
Hai aves como a garza; axuda que sobre a Casa do
Presidente non se pode sobrevoar con avións. Por alí hai dous muros, o
orixinal,onde medran tres eucaliptos,e outro posterior do 2006.
Ocupa a área
setentrional o bosque de carballeira
protexida. Nótase ben como baixo un carballo baixa a temperatura
considerablemente. Houbo que talar poquísimos pois están nun gran estado
fitosanitario. Son un cento, a maioría sen verrugóns. Dan landra, así que como mínimo teñen sesenta
anos. Algúns se alteraron á mantenta para que teñan o tronco dividido coma un
pantalón. Faise porque así ocupan menos espazo na base e arriba tapan case como
un par.
Hai tamén algún
piñeiro, un carballo americano e algún castiñeiro. E no sotobosque moito
acivro, o das boliñas de Nadal; as femias desta especie estiveron en perigo de
extinción. O humus de aquí é moi bo e
non ten perigo de escorregamento.
No hay comentarios:
Publicar un comentario